प्रेस विज्ञप्ति
रूद्र सेना, रायपुर (छ.ग.)
विषय : बाबा नीम करोली जी महाराज के जीवनी म बने फिल्म ‘हनुमान अंश’ के मुफत प्रदर्शन अउ सेवा सहायता के बारे म।
जय श्री राम, जय बजरंगबली, जय बाबा नीम करोली महाराज।
सबो सनातन प्रेमी मन ला बताये जात हे कि परम पूज्य बाबा नीम करोली महाराज जी के दिव्य जीवनी म आधारित फिल्म ‘हनुमान अंश’ ल सिनेमा घर म दिखाये जात हे। ये फिल्म सिरिफ एक फिल्म नोहे, ये तो हमर सनातन संस्कृति, भक्ति, सेवा अउ हनुमान भक्ति के जीवंत दर्शन आय।
रूद्र सेना के अपील –
रूद्र सेना सबो धर्मप्रेमी भाई-बंधु, माता-बहिनी अउ युवा मन से हाथ जोड़ के निवेदन करत हे कि ये फिल्म ला जरूर देखा अउ अपन सगा-संबंधी, परिवार अउ चाहने वाला मन ला घलो दिखावा।
रूद्र सेना के निःशुल्क सेवा –
यदि काकरो मन म ये फिल्म ला देखे के बड़ इच्छा हे, फेर वो पैसा के कमी के कारण नइ देख सकत हे, तो वो बेझिझक होके रूद्र सेना ले संपर्क कर सकत हे।
ओइसने सबो श्रद्धालु मन बर रूद्र सेना कोति ले –
फिल्म देखे के पूरा व्यवस्था मुफत म करे जाही।
बढ़िया नाश्ता / भोजन प्रसाद के व्यवस्था रूद्र सेना कोति ले करे जाही।
खास करके बूढ़-बुजुर्ग माता-बहिनी मन बर गाड़ी के व्यवस्था घलो रूद्र सेना कोति ले करे जाही।
हर एक दर्शक ला एक ठन हनुमान चालीसा भेंट स्वरूप दे जाही।
ये सेवा पूरा-पूरा निःशुल्क अउ भक्ति भाव ले प्रेरित आय।
संपर्क सूत्र –
रूद्र सेना प्रमुख – श्री आलोक पाण्डेय
मो. – 7354299999
आवव, हमन सबो मिलके बाबा नीम करोली महाराज जी के आशीर्वाद ले बने ये दिव्य फिल्म ला जन-जन तक पहुँचाबो।
निवेदक –
आलोक पाण्डेय
प्रमुख, रूद्र सेना
रायपुर
