संवाददाता प्रखर छत्तीसगढ़ :- सवर्ण समाज के शांतिपूर्ण प्रदर्शन ले गूंजिस दिल्ली, आर्थिक आधार म आरक्षण के उठिस मांग – भारत माता की जय के जयकारा ले गूंजे राजधानी
नवा दिल्ली: आज राजधानी दिल्ली म सवर्ण समाज के एक बड़का शांतिपूर्ण प्रदर्शन देखे बर मिलिस।
मिले जानकारी के मुताबिक देश भर ले आए सवर्ण समाज के लोगन मन एकजुट होके दिल्ली ला घेर के शांतिपूर्ण तरीका ले अपन मांग रखिन। प्रदर्शन के बेरा हाथ म तिरंगा धरे लोगन मन “भारत माता की जय” के जोरदार नारा लगाइन।
समाज के प्रतिनिधि मन के कहेना हावे – “सवर्ण समाज ही देश के बल आय” अउ देश के विकास म ए समाज के भूमिका ला अनदेखा नइ करे जा सकय।
प्रदर्शन के मुख्य उद्देश्य आरक्षण व्यवस्था म बदलाव के मांग हावे। समाज के लगातार मांग हावे कि आरक्षण जातिगत आधार म नहीं, बल्कि आर्थिक आधार म होवय, ताकि हर गरीब वर्ग ला, चाहे वो कोनो भी जात के होवय, ओकर लाभ मिल सकय।
आंदोलन म शामिल लोगन मन कहिन कि ये लड़ाई कोनो जात या वर्ग के खिलाफ नहीं, बल्कि बरोबरी अउ न्याय बर हावे। पूरा प्रदर्शन पूरा शांतिपूर्ण अउ अनुशासित तरीका ले करे गीस।
